FRANTSES UDALEKUAK

ENJOY ENGLISH

ROBOTIKA

IKASTOLA KOMUNITATEARENTZAT HIZKETALDIAK (GRABAZIOAK)

IBILALDIA: EKITALDI BEREZIA

Dakizuen bezala, aurten ZUBIMUXU ikastolari egokitu zaio KILOMETROAK 2020 jaia antolatzea.
Hemen dugu helarazi diguten mezua:

KILOMETROAK 2020

On line denda ere jarri dugu martxan, baina ia bi hilabete hauetan geldirik egon da, erosketen bidalketak saihesteko. Azken egunetako egoerak ahalbidetuta, baina, berriz jarri dugu martxan online denda, https://www.kilometroak.eus/katalogoa. helbidean. Bidalketak egiteko moduan gaudenez, eta irteerarik egiteko aukerarik ez dugunez, online dendan indar berezia jarri dugu, gure diru sarrerak hauspotzeko. Beraz, aurtengo Kilometroak jaiaren bueltarako gure ilusio guztiarekin prestatu eta diseinatu ditugun arropak eta produktu guztiak eskura dituzue webgunean. Sartu, saltseatu eta animatu zuen aletxoa jartzera zerbait erosiz!

Zubimusu ikastolatik ere beste mezu hau ere jaso dugu. Ezin dugu TANTA boletoen salmenta ahaztu. Diru-iturri nagusietako bat da, guretzako benetako hauspoa eta indarra. Gipuzkoako Ikastola bakoitzak, bertako familien eta langileen artean banatzeko boleto kopurua zein izango den erabaki du.

Ziurgabetasun handiko egoerak bizitzen ari gara; gu, zuek, denok; korri egin dugu, punpa egitea lortu dugu, eta orain, guztion laguntzarekin ttak! egin nahi dugu; horregatik, mila esker gure ondoan egoteagatik.

Korri, punpa, ttak!
Zubimusu Ikastola

Egoera berezi honetan ez zaie xamurra izango urtearen antolaketa. Baina badute ekimen polit bat guztioi zabaldu nahi digutena:
Pinpilipauxa, tximeleta baten marrazkia edo eskulan bat egin KPT hizkiak txertatuta, argazkia atera eta bidali. Jasotako lanen artean zozketa egingo dute eta kamiseta bat izango dute opari. Oporraldi honetarako proposamen ederra dela deritzogu eta beraz, zuen parte hartzea eskatzen dizuegu.
Honakoa baino ez da egin behar:

• Pinpilipauxaren eskulan bat egin (marrazkia, opila…), argazkia atera eta  kilometroak@ikastola.eus  helbidera bidali.
• Eskulanaren argazkiarekin batera: umearen/umeen (edo egin duen pertsonaren) izenak adierazi eta Zarauzko ikastolakoa dela aipatu.

Lanak Zubimuxu ikastolaren facebook-en argitaratuak izango dira.
Pinpilipauxaren ipuina ikusi eta entzun nahi baduzue HEMEN aurkituko duzue.
Jakinarazi behar dizuegu ere, lan asko jasotzen ari direla eta horren ondorioz, argitaratuta ikusteko pazientzia eskatu digutela.
Ekin eta aurrera!

Hemen dugu hainbat lotura telebistaren bitartez ikasten jarraitzeko.
-HIRU3 APPan (deskargatzeko informazioa:  https://www.eitb.eus/eu/hiru3/app-deskargatu/)
-Webgunean: https://www.eitb.eus/eu/hiru3/bitartean-etxetik-ikasten/
-eitb3 Youtube kanalean: https://www.youtube.com/channel/UCu0vj6bO6flwctr4dyL9B gQ   
-EiTB Nahieran zerbitzuan
Azkenik, Hezkuntza Sailburuordeak jakinarazi du hurrengo estekan https://posta.irakasle.net/publico/Elkarbanatu_internet_smart phone-kin.pdf  tutoretza bat jarri dela mugikorra konexio partekatu eta modem gisa erabiltzeko beharra duten familientzat.