JESUS MARI MUJIKAREN HITZALDIA

SALBATORE MITXELENA IKASTOLAREN 50.URTEURRENA.

HITZALDIA: HEZI GAUR: ERRONKAK, POSIBILITATEAK, BALDINTZAK

HIZLARIA: JESUS MARI MUJIKA Deustuko Unibertsitateko eta Santo Tomas Lizeoko Etikako eta Filosofiako irakaslea ia 40 urtez.

MODELO ARETOAN, OTSAILAREN 3an, 19:00

Jesus Mari Mujika: "Bizitzako graziak dastatzeko bideak jorratzen irakastea eta errealitateari nortasunez eta ausardiaz heltzeko balioak lantzea da heziketaren egitekoa" 2014-12-23 Hikhasi
Mundua, nahitaez, paradigma berri baten beharrean dagoen honetan, bizitza eta bizitzeko era ulertzeko zereginean hezkuntzak betetzen duen funtzioa giltzarria izan daitekeela dio Jesus Mari Mujikak (Aizarna, 1946). Deustuko Unibertsitatean eta Santo Tomas Lizeoan Etikako eta Filosofiako irakasle gisa ia 40 urtez izandako esperientziatik mintzo da. Argi du eskolaren zeregina zein den: belaunaldi berriak mundu hobe baterako heztea; baina zentzu utopiko pixka bat izan gabe ez daitekeela horrelakorik egin azpimarratzen du, "zentzu utopikoa diodanean, ez naiz utopia itxi horiez ari, baizik eta gaurko mundua alda daitekeela eta gizarte hobe bat posible dela sinesteaz". Horrexegatik, uste du eskolak haurra edo gaztea ez duela bideratu behar egungo gizarteko egituretara molda dadin, gizarte hori hobea egiteko nahi izan dezan baizik. (Hikhasi)