Benjaminek eskubaloiari ekingo diote eta alebinek errugbiari
Asteburu honetan, benjaminek (LH3-LH4), eskubaloiari ekingo diote. Taldeetako bilerak egiteko denborarik ez dugu izan orain arte, beraz, asteburu honetan, partiduko ordutegia baino 30 minutu lehenago elkartu zaitezte gurasoak eta aukeratu zein izango den taldeko guraso arduraduna. Ondoren jarriko gara harekin kontaktuan eskola kirolari buruzko informazioa zabaltzeko. Whatsap taldea sortu, taldeko komunikazioa errazteko modua izaten da. Talde batzuek beste bide batzuk erabilita ere lortzen dute elkarren arteko komunikazioa. Orion jolasten duzuenok (karela kiroldegia) Zarauzko ikastolan elkartu ahal zarete 45 minutu lehenago, kotxeetan joateko Oriora eta entrenatzailea ere zuekin eramateko.
Lehen aldiz ariko dira eskubaloian jolasean. Maila oso ezberdina izaten dute parte hartzaileek. Asko galduta ibiliko dira, beraz, denon artean, babestu eta lagundu ditzagun ikasle hauek. Gaitasun gutxiena dutenenei lasai jolasten utziz, animatuz eta giro atsegina sortuz denontzat. Begiratu zuen seme-alabak nola jolasten duen, taldekideak kontuan hartzen dituela ziurtatu.
Alebinek (LH5-LH6), errugbiko jardunaldia izango dute. Astin elkartuko dira eta errugbiko taldeko kirolariek gidatuta talde ezberdinen arteko jolas eta partiduak egingo dituzte.
