Benjaminek krosa Aian eta Alebinek herri kirolak Orokietan
Asteburu honetan Krosa eta Herri kirolak izango ditugu eskola kirolean. Benjaminek, Krosa izango dute Aian. Alebinek aldiz, Herri Kirolak izango dituzte Orokietan. Komeni da, Herri Kiroletara zoaztenok, iristerakoan, taldekide kopurua kontatu eta antolatzaileei esatea zuen taldearen izena eta jokalari kopurua. Horren arabera egokitzen dituztelako egin beharreko probak etab. Laguntza handia da antolatzaileentzat, beraz, mesedez, talde bakoitzeko arduradun bat joan dadila kopuruak esatera antolatzaileei.
Urtean behin bakarrik lantzen diren kirol jarduerak izanda, garrantzitsua iruditzen zaigu ahalik eta parte hartzaile gehien izatea. Esperientzia polita da beraientzat eta beste disziplina batzuetan ikasiko ez dituzten bizipenak bizituko dituztelako.
