Pasar al contenido principal

Asteburuko jardunaldia: Urriak 31

Irudia
s

Benjaminek krosa izango dute eta alebinek saskibaloiko 2.jardunaldia

Asteburu honetan, benjaminek (LH3-LH4), krosa izango dute Aian. Ikastetxe ondoko zelaietan elkartuko dira, beroketa ariketa eta jolasak egingo dituzte eta ondoren Kros lasterketa izango da. Deialdia mailaka da eta ez taldeka, honek askotan parte hartzean jeitsiera dakar. Nahiko genuke beste edozein taldekiroletan bezala, talde osoa joateko saiakera egitea. Animatu zuen ingurukoak eta ea ahalik eta parte hartzerik handiena dugun. 

Alebinek (LH5-LH6) aldiz, saskibaloiko 2. jardunaldia izango dute. 

Pasa den asteburuan, benjaminen partidu batean, guraso baten jarrera petrala medio, arazoak izan ziren. Epaileak oso gaizki pasa zuen. Zorionez, gainontzeko jardunaldi guztian ez zen arazorik izan eta egoera puntual bat izan zen (eta ez zen gure komunitateko kidea). Dena den, nazkaturik gaude egoera puntualak hain puntualak ez izateaz. Eskola kirola haurrentzat espazio segurua izateko, bertan parte hartzen dugun guztion jarrera aktiboa beharrezkoa da. Ez dugu onartuko inoren aldetik halako jarrera desatseginik. Ikusten ari garen partiduan norbait errespetua faltatzen hasten bada, besteok esku hartu behar dugu. (atxikita ikusle onaren dekalogoa)

Bestalde, 30 goletik gorako diferentziak izan ziren partiduetan. Entrenatzaileei esaten diegu (eta gogoraraziko diegu) halakorik ez dugula bultzatu nahi. Ez dago beste taldea hainbeste zapaldu beharrik. Norbere seme-alabarekin ere landu halako kontuak. Ez digu ezertarako balio taldeko batek 20 gol sartzeak, beste batek baloirik ia ukitu ez badu. Partidu bat ere halako diferentziagatik irabaztea ez dugu egoki ikusten. Ikasleei begirada hau izaten lagundu behar diegu. Guk taldeetan eta entrenatzaileetan gaia landuko dugu eta nahiko genuke zuen seme-alabak nola jolasten duen begiratu eta norabide berean lagunduko bazenigute. 

Denon artean eskola kirola haur guztientzat espazio segurua izatea posible dela sinisten dugu eta horretan jarraituko dugu. 

Últimas noticias

LH4ko ikasleak Ezkioko Igartubeiti Baserri Museoan egon ziren.
Eguraldi bikaina lagun, DBH1, DBH3 eta DBH4-ko ikasleak mendian izan dira.
Aurten ere DBH-ko zenbait ikasle Bilbon izan dira Kirikiño Ikastolakoekin.
Alebinek krosa izango dute Aian. Bertan, korrikako lasterketaz gain jauziak, pisu jaurtiketa eta beste hainbat atletismoko jardueraz gozatu ahalko dute. Eskertuko genuke etxeetan parte hartzea bultzatzea.