Skip to main content

Historia

Irudia
Salbatore Mitxelena

Herritik sortua eta herriarentzat

Ikastolaren historia bestelakoa da: herritik sortua eta herriarentzat, frankismo garaiko debekuei aurre egiteko egitasmo pedagogiko euskaldun berritzaile eta eraginkorra izan zen eta da. Euskalduntze prozesuko ardatz nagusienetako bat.

1964-1966

Herritar talde bat elkartu zen, seme-alabak  euskaraz hezteko asmoz frankismoan,  frantziskotarrek utzitako lokalean, “katekesi” talde moduan gobernuaren aurrean. Zarauzko “Eskolaurre” handiena izan zen.

1972

Frankismoan: Salbatore Mitxelena Ikastola legeztatu zen, Madrilgo udatiar politikari baten bidez.

1975

Eraikin berriaren inaugurazioa Iñurritzan. Aurrez, 14 lokaletan sakabanatuta ibili ginen.

1987

Kilometroak ospatu ziren lehen aldiz. Seaska iparraldeko ikastolen elkartearekin eta Nafarroako Ikastolen elkartearekin banatu ziren irabaziak solidarioki.

1993

Ikastolak Buesak eskainitako publikotasun eredua ez onartzeko erabakia hartu zen, mehatxu guztiei aurre eginez.

1995

Obrak: DBH etaparen ezarpenerako solairu berria.

1998

HH 2ko gelak martxan jarri ziren Azken Portun.

2002

Oteitza Lizeo Politeknikoaren sorrera, Orioko Herri Ikastola eta Antoniano Ikastetxearekin elkarlanean. Batxilergoa eta Lanbide Heziketa ikasketak eskaintzeko bidea.

2004

Kilometroak ospatu ziren, Orioko ikastola eta Oteitza Lizeoarekin batera.

2005

Herri Onurako Erakundea izendatu zen.

2014

50. urteurrena ospatu zen.

2017tik gaurdainoko OBRAK

Espazioen berrikuntza egungo behar pedagogikoei erantzuteko. Horrez gain, zerbitzuetako azpiegitura osoa berritzeaz gain, eraginkortasun energetikoari erantzuteko neurriak hartzen ari gara.

2019

Kilometroak, ohiko ereduan antolatutako azkena.