Orientazioa eta Errugbia izango dira protagonista asteburu honetan Eskola Kirolean
Larunbat honetan, Azaroak 4, LH5 eta LH6 mailetako ikasleek Orientazioa izango dute. GOT taldeak antolatuta, 3 gune ezberdinetan, orientazio frogak egin beharko dituzte. Taldeak ikasgeletan osatu ditugu eta talde bakoitzari non eta zein ordutan hasiko den ostiralean esango diegu. Mapa bat emango zaie eremu bakoitzean eta mapan agertzen diren puntu guztiak topatu beharko dituzte. Antolakuntza bikaina duen ekintza da eta parte hartzen duen inor ez da damutzen. Animatu etxekoak parte hartzera ekintza oso aberasgarria delako.
LH3 eta LH4 benjaminek errugbi jardunaldia izango dute berriz. Aurreko astean oso ondo pasa zutela adierazi dute. Lan handia egiten dute antolatzaileek eta emaitzak nabariak dira. Geroz eta haur gehiago joaten delako errugbira.
Gure aldetik, eta kopuruak pixkanaka hobetzen ari diren arren, kirol "minorizatuago" hauetan parte hartzeko lanketa handiagoa egin behar dugula iruditzen zaigu. Gure ikasleen heziketan, oso garrantzitsua eta aberasgarria da kirol ezberdinak lantzea. Gaitasun ezberdinak irabazteko bidean ezinbestekoa. Beraz, eskertuko genuke, etxetik ere ekiten badiogu lanketa honi.
